أفكر بالتدوين منذ فترةٍ غير بسيطة، لكنني كل مرة أتراجع عن الأمر لعلّةٍ عندي. مرّة بسبب الملل الذي إذا دخل رأساً “خرّبها”، ومرّة بسبب الفلس الذي إذا دخل عقلاً “هطله”. ومرّة بسبب النت الذي إذا دخل ذهنا “فلقه”.
لكنني ها أنا هنا الآن، بعد أن تخلصتُ من ترددي، حاملاً “شاكوشي” لأكتب به عن مسامير الحارة، والحارة المجاورة لحارتي، والحارات الأخرى المجاورة.. وقبل أن أبدأ فكرتُ بالعنوان، ووجدتُ أن اسم “شاكوش” هو الأجمل فعلاً والأكثر اقتراباً من فلسفة التدوين.. والتدوير فلسفة!
11/09/2010 عند 2:56 ص |
تدوير. تدوين….
أفكر بالتدوين منذ فترةٍ غير بسيطة، لكنني كل مرة أتراجع عن الأمر لعلّةٍ عندي. مرّة بسبب الملل الذي إذا دخل رأساً “خرّبها”، ومرّة بسبب الفلس الذي إذا دخل عقلاً “هطله”. ومرّة بسبب النت الذي إذا دخل ذهنا “فلقه”. لكنني ها…
11/09/2010 عند 8:51 ص |
هي ربطنا المدونة بشبّك!
هيك مشينا خطوة لقدّام بعالم التدوين
منيح منيح
11/09/2010 عند 12:07 م |
استمر وإحنا معاك..
اكتب اللي بتشوفو صح.. وعبر كيف ما بدك.. راح تلاقي حالك مبسووووط..!
11/09/2010 عند 12:24 م |
شكراً مقلوبة
بنستمر ليش لأ!
11/09/2010 عند 4:13 م |
اهلا وسهلا
عجبني الاسم كتير .. مبتكر
بس ايش بتقصد انو الاقرب لفلسفة التدوين ؟ من اي ناحية يعني؟
11/09/2010 عند 4:25 م |
أهلا فيك في عالم التدوير ، قصدي التدوين
بداية موفقة
والاسم كتير حلو
بالتوفيق
11/09/2010 عند 4:44 م |
أهلا علا
كمان مدونتك كثير حلوة وبتقدري تقولي باتابعها من سنوات. يعني ثلاث اربع سنوات
باتذكر مرة سافرتي.. شو رجعك على البلد اللي ما فيها فكة؟
11/09/2010 عند 8:18 م |
ههههههههه فاجأتني :p
مزبوط سافرت ورجعت من زماااااان
رجعني حنيني للوطن ههههه
بس ما رديت عليا .. ايش علاقة الشاكوش بفلسفة التدوين؟
13/09/2010 عند 1:34 ص
بصراحة.. كنت ابحث عن اسم للمدونة. فخطر ببالي شاكوش. وبعدها فكرت بالمغزي، وأعتقد أن المدونة تبحث عن كشف المستور، واعادة صياغته مرّة اخرى، ليحدث التغيير.. وإلا ما الفائدة من كل التدوين لو كان مجرّد حكي..
لهيك أنسب شي لكشف المستور هو الشاكوش الذي يطرق ويطرق ويطرق دون كلل أو ملل.
يمكن هيك؟
11/09/2010 عند 4:45 م |
هي محاولة عزيزي محمد لصنع شيء جميل
أتمنى أن تكون المحررة مكان آمن للآخرين
ومكان ينفع ولا يضر
أمنياتي
11/09/2010 عند 5:14 م |
انطباعي الأول: كأني أعرفك!
لكن هذا لا يهم كثيراً. هل يهمّ فعلاً؟
يا أهلاً، يا أهلاً :)
13/09/2010 عند 1:36 ص |
يمكن يا متشرّد أكون بأعرفك كمان.. مين بيعرف. يمكن نكون درسنا بنفس الصف. والبسنا نفس الأواعي. ومشينا بنفس الشارع.
بكل الأحوال. المهم في هذه الحالة التواصل. التلباث لو صح التعبير
يا سهلاً.. يا سهلاً..
13/09/2010 عند 4:59 ص |
مرة نزلت اتمشى و كنت لابسة شالة جديدة مبسوطة عليها (عادي حاجة هبلة من تعون البنات ما تدقش) .. و صار كل اهتمامي وقتها الشالات اللي حوالي شكلها و لونها و مكوية و لا لا .. هلأ عندي نفس الاهتمام المدونين الجداد و المدونات الجديدة و الاحساس الجديد و اول تدوينة !
للأمانة اسلوبك ناااايس و حلو لا تخاف ولا تهاب و دور و دون و متل متشرد حاسة اني بعرفك :)
13/09/2010 عند 9:12 ص |
صباح الخير هديل
كلّ الأشياء الجديدة اللي بنعملها لأول مرّة بتسلبنا عقلنا، بتسيطر علينا إذا بدك..
بس حلو لو كنت بأعرفك وبأعرف متشرّد
لساتني مش متأكد
19/09/2010 عند 1:19 ص |
بانتظار تدوير التدوين
ودٌّ
25/09/2010 عند 11:57 ص |
وأنا زيك بانتظر
26/09/2010 عند 10:49 ص |
تدوير. تدوين….
أفكر بالتدوين منذ فترةٍ غير بسيطة، لكنني كل مرة أتراجع عن الأمر لعلّةٍ عندي. مرّة بسبب الملل الذي إذا دخل رأساً “خرّبها”، ومرّة بسبب الفلس الذي إذا دخل عقلاً “هطله”. ومرّة بسبب النت الذي إذا دخل ذهنا “فلقه”. لكنني ها…
01/10/2010 عند 4:08 ص |
عن الأفيوني ل شاكُوش أمد الله ظِله، هذا إشعار بالإعجاب علماً أنه الإشعار الثاني لهذا العام !
خلنا نشوف ،
09/10/2010 عند 8:26 م |
تعيش يا افيوني